single

ARTISTAK

Hiromi, Edmar Castañeda Duet

0

Hiromi 900 xHiromi & Edmar Castañeda 900 x

Hiromi (pianoa), Edmar Castañeda (harpa)

Hiromi japoniar pianista ezagunak Edmar Castañeda kolonbiar harpa-jotzailearekin osatu duen duo ikusgarria aurkeztuko digu. Hiromik –jazzeko azken errebelazio handietako bat– txundituta utzi ditu Heineken Jazzaldiko ikus-entzuleak aurrez Donostian eskaini dituen hiru joaldietan. Haren teknika akasgabeak, sentiberatasun itzelak eta gogo-berotasun itsaskorrak gaur egungo jazzeko pianisten Olinpoan kokatu dute. Edmar Castañedak –Bogotan jaioa eta azken hogei urteotan New Yorken bizi dena– beste inork ez bezala jotzen du harpa. Haren eskuak, bi pertsonarenak balira bezala mugitzen dira instrumentuaren 34 harietan, egundoko doitasunez; hala, gai da Latinoamerikako erritmoak eta doinu inprobisatuak batera egikaritzeko. Paquito D’Rivera, John Scofield eta Gonzalo Rubalcabarekin egin dituen elkarlanek prestakuntza paregabea eman diote jazzaren munduan. Hiromi eta Edmar. Bi birtuoso eskuz esku.