single

ARTISTAK

The Jazz Epistles: Abdullah Ibrahim, Hugh Masekela

0

The Jazz Epistles

Abdullah Ibrahim (pianoa), Hugh Masekela (fiskornoa, tronpeta, ahotsa), Jonas Gwangwa (tronboia), Noah Jackson (baxua, txeloa), Will Terrill (bateria), Cleave Guyton Jr. (saxo altua, txirula, klarinetea, piccoloa), Lance Bryant (saxo tenorra), Andrae Murchison (tronboia, tronpeta), Marshall McDonald (saxo baritonoa)

The Jazz Epistles talde mitikoan elkartu ziren lehenengo aldiz afrikar jazzeko bi elezahar nagusiak, Abdullah Ibrahim piano-jotzailea (garai hartan Dollar Brand deitua) eta Hugh Masekela tronpetaria. Hegoafrikan disko bat grabatu zuen musikari beltzez osatutako jazzeko lehen taldea izan zen, non gutxiengo zuriaren aldeko “apartheid” izeneko arraza-diskriminazio sistema baitzegoen indarrean. Egundoko eta berehalako eragina izan zuen diskoak beltzen komunitatean, hala kulturalki nola politikoki. Hartaraino non gobernu arrazistak galarazi egin baitzituen bai jazz-kontzertuak eta bai musika hori irratitik ematea. Politika alde batera utzita, Abdullah Ibrahim eta Hugh Masekelaren kalitate artistikoak jazzaren historia osoko musikari handienen artean kokatzen ditu biak. Abdullah Ibrahim-en Ekaya talde egonkorraren babesarekin, une historiko hartako musika gogoraraziko digute.