single

ARTISTAK

Wayne Shorter Quartet featuring Danilo Pérez, John Patitucci, Brian Blade

0

Wayne Shorter moztua 900x

Wayne Shorter (saxoa), Danilo Pérez (pianoa), John Patitucci (kontrabaxua), Brian Blade (bateria)

Saxofoi-jotzaile handien dekanoa ez ezik, jazzaren historiako azken 50 urteotako figura ukaezina eta ondare guztiz bakanaren sortzailea dugu. Haren adinean musikari asko beren iraganetik bizi badira ere, Wayne Shorter bere karrerako musikarik sakonena egiten ari da eta inprobisazioaren mugak esploratzen saiatzen da laukote egonkor eta iraunkor baten buruan, zeinarekin elkar ulertze paregabea lortu baitu. Bai Pérez, bai Patitucci eta bai Blade bakarlari ukaezinak dira, Grammyen irabazleak, eta Shorter-ekin bat eginda, kalitate maila gorenera heltzen dira. Gure Jazzaldiak Shorter-en itzala eta eragina 2007ko Donostiako Jazzaldia saria ematearekin aitortu zuenetik 10 urte igaro direnean, saxofonista beteranoak sormenaren gailurrean jarraitzen du.